القصة الأولى جحا وحصانه .....صارت تحايا وحفل خواتها...(مميز جداً....بس الأوسمة خلصت)

اخباركم ؟؟؟

كنت وعدتكم بقصة جحا وحصانه لكن ما قدرت اكتب قصة مناسبة لهذا العنوان <<< بنزلها ان شاء الله في حريم الرياض....مابي احرقها

وبعوضكم بقصتي ...اللي مالقيت لها عنوان ...واضطريت الصق فيها العنوان السابق.....تحايا وحفل خواتها

اللي حصل ان خواتي اصروا علي اروح لحفل الأمهات في مدرستهم ....ووصوني اكشخ بكل مااوتيت من قوة

وتح تح ما صدقت احد يعزمها .. فرصة من زمان ماكشخت....سهرت طول الليل افكر ايش البس وكيف امثل دور ماما

ويا ليتني ما رحت

الحفل نصه انجليزي ...وامي كل شوي تسالني وش يقولون ....شكلي طحت من عينها وما عاد بتقول درسي خواتك <<< اخيراً...الحمد لله...الفايدة الوحيدة من الحفل
ومما حدث في الحفل:

موقف غريب :
كان في الحفل انشودة عن الرسول صلى الله عليه وسلم ومحبته. ................واثناء انشادها كانوا عارضين (بالبروجكتر) صور عن المملكة والملك عبد الله ومعالم المملكة ووووو.............مع انهم مسوين نشيدين وطنية (بابا عبد الله و مانساوم في غلاكم )
بالله عليكم ايش العلاقة بين الانشودة والصور ؟؟؟؟...................
اللي تعرف لها جائزة قيمة <<<<< النسخة الأولى في العالم من حريم الرياض ....................................
بس هاه بدون الاستعانة بصديق او طبيب نفسي .....لأني اكتشفت السر بعد تفكير طويل ..وطلع نفسي
موقف مضحك :
كان من ضمن فقرات الحفل أسئلة للامهات واحدها
ما هو الحيوان الذي يعيش حتى لو قطع الى نصفين ؟؟؟؟؟؟
وكان الجواب دودة الأرض ....(سبحان الله هذه الدودة مكونة من حلقات لو قطعتي كل حلقة لوحدها ينبت منها دودة جديدة )

لما كرموا اللي جاوبت زعلت اللي بجنبي وصاحت :

اصلاً الدودة مو حيوان <<< أجل انسان ؟؟!!!!!

التفت وقلت اجل ويش؟؟

قالت

رخويات
ههههههههههههههههههههههههههههههههههههههههههههه هه

والله ما ادري كيف ما ضحكت في وجهها .................كان ودي أسألها وين قرأت هالمعلومة الخطيرة
الرخويات مو حيوانات ............يمكن من كائنات الفضاء

موقف يقهر:
واحدة جنبي شكلها ملت من الأداء السئ للاناشيد الوطنية (البنات اللي ينشدون كأنهم ريبورتات) <<<الظاهر انها ام الرخويات ما ركزت لاني كنت مواصلة وعقلي خارج التغطية
وقالت: بدل المبزرة هذي ليش ما حطوا أغاني وطنية ؟؟؟
{خاص بصدى الذكريات المبزرة نوع من انواع الشابورة بالمكسرات والعسل....لا تقولين ايش الشابورة بعد .....}
قالت اللي جنبها بكل هدوء الأغاني حرام
- صرخت في وجهها لا الوطنية مو حرام مين قال ؟؟؟<<يعني ماتدري
- عشان الموسيقى حرام
شوفوا الرد العبقري بكل عصبية قالت
- اجل اكل أموال الناس مو حرام ,والموسيقى حرام ؟؟؟
وأجل قتل المسلمين مو حرام , والموسيقى حرام ؟؟؟
بالله لو انتم مكاني ايش تردون عليها
انا ما اعرف اناقش الناس غير المنطقيين
وبما ان عقلي خارج التغطية تمنيت ان معي مسدس ......كان اقلب الحفل الوطني الى عزاء وطني ....وتصير شهيدة الوطن...

...مو ذنبي هي الي قالت قتل المسلمين حلال

» أخطاء الأيام الأولى في عالم الإدارة
» عاجل جداً ... التحذير من قنوات أطفال رافضية - طه و هادي